കൊച്ചി: ബിഗ്ബോസിൽ നിന്ന് പുറത്തായ താരത്തെ സ്വീകരിക്കാൻ കൊച്ചി വിമാനത്താവളത്തിൽ തടിച്ചുകൂടിയവർക്കെതിരെ പോലീസ് കേസെടുത്തു.
ബിഗ്ബോസ് താരം രജിത് കുമാറിനെ സ്വീകരിക്കാനാണ് 100 ലേറെ വരുന്ന ആരാധകർ വിമാനത്താവളത്തിൽ തടിച്ചു കൂടിയത്.
കൊറോണ വൈറസ് പടരുന്ന പശ്ചാത്തലത്തിൽ ആൾക്കൂട്ടങ്ങൾ പരമാവധി ഒഴിവാക്കണമെന്ന് സംസ്ഥാന സർക്കാർ കർശന നിർദേശം നൽകിയിരന്നു.
ഈ നിർദേശം ലംഘിക്കപ്പെട്ട സാഹചര്യത്തിലാണ് പോലീസ്, കളക്ടർ എസ്. സുഹാസിന്‍റെ നിർദേശ പ്രകാരം കേസെടുത്തത്.
പേരറിയാവുന്ന നാല് പേർക്കെതിരെയും കണ്ടാലറിയാവുന്ന 75 പേർക്കെതിരെയുമാണ് കേസ്. മനുഷ്യ ജീവനേക്കാൾ വില താരാരാധനയ്ക്കില്ലെന്ന് കളക്ടർ പറഞ്ഞു.
